शिवप्रहार न्युज - अकोलेचे भूमिपुत्र वीर जवान संदीप गायकर यांना वीरमरण...
Editor Chandu Aage 
अकोलेचे भूमिपुत्र वीर जवान संदीप गायकर यांना वीरमरण...
अकोले (शिवप्रहार न्युज)- अहिल्यानगर जिल्ह्यातील अकोले तालुक्यातील ब्राम्हणवाडा गावाचे शूर भूमिपुत्र संदीप पांडुरंग गायकर यांनी भारतीय सैन्याच्या मराठा बटालियनमध्ये सेवा बजावत असताना जम्मू-काश्मीर येथे दहशतवाद्यांशी लढताना देशासाठी वीरमरण आले आहे.
संदीप गायकर हे अत्यंत शिस्तबद्ध, कर्तव्यनिष्ठ आणि राष्ट्रप्रेमी सैनिक होते. आपल्या कर्तव्य बजावत असताना त्यांनी प्राणांची आहुती देऊन देशसेवा केली. त्यांच्या बलिदानाने संपूर्ण ब्राम्हणवाडा गाव, अकोले तालुक्यासह अहिल्यानगर जिल्हात शोक व्यक्त होत आहे. त्यांच्या शौर्याची आणि बलिदानाची आठवण संपूर्ण ब्राम्हणवाडा गाव तसेच अकोले तालुका आणि संपूर्ण देशाला सदैव अभिमानाने राहील.
त्यांच्या या राष्ट्रसेवेचे उपकार गावकरी आणि संपूर्ण राष्ट्र कधीही विसरणार नाही. अशा वीर जवानाला देशभरातून भावपूर्ण श्रद्धांजली अर्पण करण्यात येत आहे.
