शिवप्रहार न्युज - कुंभ मेळ्याच्या आधी श्रीक्षेत्र बहिरवाडी, पुणतांबा व प्रवरासंगम येथील गंगाघाटांचा विकास करा...

कुंभ मेळ्याच्या आधी श्रीक्षेत्र बहिरवाडी, पुणतांबा व प्रवरासंगम येथील गंगाघाटांचा विकास करा...

    नेवासा (सुधिर चव्हाण)- श्रीश्रेत्र नाशिक त्र्यंबकेश्वर येथे सन २०२७ मध्ये हिंन्दुचा पवित्र असा महाकुंभ मेळा होत आहे त्या आधि अहिल्यानगर जिल्ह्यातील श्रीक्षेत्र बहिरवाडी, श्रीक्षेत्र पुणतांबा व श्रीक्षेत्र प्रवरासंगम कायगावटोका येथील पवित्र गंगा नद्यांचे काठाचे - घाटाचे विकासाचे काम व्हावे आशी मागणी संपादक पत्रकार सेवा संघटनेचे जिल्हाध्यक्ष व जेष्ठ पत्रकार मनोज आगे यांनी केली आहे.

    श्रीकालभैरवनाथ बहीरवाडी येथे दर्शन घेवून पुजा केली तेव्हा या बाबत बोलतांना मनोज आगे म्हणाले की, श्रीक्षेत्र बहीरवाडी ता नेवासा येथे शेकडो वर्षापूर्वांचे श्री भगवान शंकराचे श्री.कालभैरवनाथ रूप स्वयंभू शिवतीर्थ आहे. त्याचा मोठा धार्मिक इतिहास आहे. तसेच दरवर्षी लाखो भाविक येथे यात्रेसाठी येतात. तसेच प्रवरासंगम जुने कायगाव टोका येथे श्री सिंध्देश्वर महादेवाचे पुरातण मंदिर आहे. प्रभु श्रीराम यांनी सुवर्णमृग मारीच राक्षसाचा वध केला तो हा भाग येथेही गोदावरी - प्रवरा - मुळा या तीन नद्यांच संगम असल्याने सिंध्देश्वर महादेव मंदिर व पलीकडे श्री रामेश्वर महादेव मंदिर येथे आजपर्यत कोट्यावधी लोकांचे अस्थी विसर्जन व दहाव्याचे कार्यक्रम झालेले आहेत व ही परंपरा शेकडो वर्षाची आहे. नदिकाठी हे दोन्ही पुरातन शिवमंदिर आहेत तर श्रीक्षेत्र पुणतांबा येथे श्री योगीराज चांगदेव महाराजांची १२०० वर्षा पूर्वीची समाधी असून निस्सीम शिवभक्त होते . येथेही गोदावरी नदीकाठी लाखो कोटी दहाव्याचे कार्यक्रम झालेले आहेत ती परंपरा पुढे सुरु आहे.

   तसेच श्रीक्षेत्र गोदाधाम (सराला बेट) येथेही श्रीसंत योगीराज गंगागीरीजी महाराज व संत गुरुवर्य नारायणगीरी जी महाराज यांची समाधी आहे. येथील गगांगीरीजी महाराजांच्या सप्ताहाची मोठी परपंरा आहे त्यात लाखो भाविक सहभागी होतात. तेव्हा श्रीक्षेत्र नाशिक त्र्यंबकेश्वर येथे सन २०२७ मध्ये होणाऱ्या कुंभ मेळ्यासाठी केंन्द्र सरकार, राज्य सरकार हजारो कोटींचा निधी देणार आहेत काही निधी आला पण आहे. तेव्हा श्रीक्षेत्र बहीरवाडी ( श्री कालभैरवनाथ ), श्रीक्षेत्र पुणतांबा ( योगीराज संत चांगदेव महाराज ), श्री क्षेत्र प्रवरासंगम कायगावटोका ( श्री सिध्देश्वर व श्री रामेश्वर महादेव मंदिर ) व श्रीक्षेत्र गोदाधाम ( सरालाबेट ) या ठीकाणी गोदावरी नदी चा काठ - घाट असून त्याचा मोठा विकास तातडीने विशेष निधी देवून करावा व धार्मिक पर्यटनाला चालना द्यावी.

    देशात हिंन्दुत्ववादी मोदी सरकार आहे. राज्यातही हिंन्दुत्वावादी फडणवीस -शिंदे - पवार सरकार आहे. तसेच महामंडलेश्वर शांतीगीरीजी महाराज, गुरुवर्य भास्करगीरी महाराज, महंत.रामगीरीजी महाराज यांचे आरएसएस चे मोहन भागवत, पंतप्रधान नरेंन्द्र मोदी, मुख्यमंत्री देवेंन्द्र फडणवीस, उपमुख्यमंत्री एकनाथ शिंन्दे, उपमुख्यमंत्री अजीत पवार, पालकमंत्री व जलसंपदामंत्री राधाकृष्ण विखे पाटील यांच्याची अतिषय चांगले संबध आहेत. तेव्हा या सर्व गुरूवर्यानी सरकारकडे गंगा नदी काठ व घाटाच्या विकास कामा करीता निधी मिळविण्यासाठी भुमिका घेतल्यास निश्चीतच या हजारो वर्षाचा धार्मिक इतिहास असलेल्या तिर्थक्षेत्राचा मोठा विकास होईल. कारण प्रवरासंगम येथे गोदावरीगंगा- मुळा - प्रवरा या तिन नद्यांचा संगम असून तिर्थक्षेत्र म्हणजे महाराष्ट्रातील प्रयागराजच आहे. असेही जेष्ठ पत्रकार मनोज आगे यांनी म्हटले आहे. 

   यावेळी श्री कालभैरवनाथ देवस्थानचे विश्वस्त बी.जी. मिटकरे, विश्वस्त दिनकर महाराज हारदे, विश्वस्त सीताराम पा.घोरपडे, पुजारी राजेंद्र नळघे, संजय नळघे आदि उपस्थित होते.